Avtobusla velosipedçini çətin vəziyyətə saldı - VİDEO

Sumqayıtda avtobus sürücüsü velosipedçiyə təhlükəli vəziyyət yaradıb. 

Avtosfer.az qafqazinfo-ya istinadən xəbər verir ki, bu barədə görüntüləri velosiped həvəskarları çəkərək sosial şəbəkədə paylaşıblar. Videodan məlum olur ki, avtobus yolun sağı ilə hərəkətdə olan velospedçinin yanından sürətlə və təhlükəli şəkildə keçir. Nəticədə velosipedçi xəsarət alır, sürücü isə hadisə yerindən uzaqlaşır. 

DİN-in Mətbuat xidmətindən sorğumuza cavab olaraq bildirilib ki, sosial şəbəkələrdə Sumqayıt şəhəri ərazisində sərnişin avtobusunun velosiped idarə edən şəxsə təhlükəli vəziyyət yaratmasını əks etdirən görüntülər polis əməkdaşları tərəfindən araşdırılıb: “Keçirilən tədbirlərlə avtobusu idarə edən sürücü, 34 yaşlı E.Əliyev müəyyən olunaraq izahatının alınması üçün ərazi polis orqanına dəvət edilib. Nəqliyyat vasitəsi mühafizə olunan müvəqqəti duracağa yerləşdirilib.

Faktla bağlı təhqiqat araşdırmaları davam etdirilir”.