Bağdad hava limanına atılan raketlər mülki avtomobilə yerləşdirilibmiş

İraq təhlükəsizlik qüvvələri bazar günü səhər saatlarında Bağdad Beynəlxalq Hava Limanının ətrafına edilən hücumda istifadə olunan raket qurğuları barədə məlumat yayıb.

Avtosfer.az-ın APA-ya istinadən məlumatına görə, bu barədə təhlükəsizlik qüvvələrindəki mənbənin sözlərinə görə, raket qurğuları mülki avtomobilin içərisinə yerləşdirilib və hücumun Bağdadın qərbində yerləşən Əl-Cihad məhəlləsindən həyata keçirildiyi ehtimal olunur. Bildirilib ki, təhlükəsizlik qüvvələri hadisə yerində zəruri tədbirlər görməyə başlayıb və hücuma görə məsul şəxslərin müəyyən edilməsi, həmçinin raketin buraxılması ilə bağlı detalları araşdırmaq üçün istintaq başlayıb.