Bakıda piyadanın təhlükəli manevri: 10 zolaqlı yolda ölümə meydan oxudu - VİDEO

Paytaxtın Heydər Əliyev prospektində qayda pozan piyada kameraya düşüb.

Avtosfer.az-ın məlumatına görə, hadisə aprelin 4-də saat 21:31 radələrində qeydə alınıb. 

Görüntülərdən aydın olur ki, orta yaşlı kişi yolu təyin olunmamış yerdən, üstəlik intensiv hərəkətin müşahidə olunduğu çoxzolaqlı magistralda keçməyə cəhd edib. Piyada yolun ortasında dayanaraq hərəkətdə olan nəqliyyat vasitələri üçün qəfil maneə yaradıb və nəticədə qəza riski formalaşıb. Xoşbəxtlikdən sürücülər vəziyyəti vaxtında qiymətləndirərək sürəti azaldıb və təhlükənin qarşısını ala biliblər.

Bu kimi hallarda diqqətdən yayınan əsas məqam odur ki, sürücünün reaksiya məsafəsi və əyləcləmə imkanı hər zaman qəfil çıxan piyadanı xilas etməyə yetməyə bilər. Xüsusilə belə geniş və sürətli yollarda bir addımlıq məsafə belə risk yaradır. Buna görə də piyadaların yalnız müəyyən edilmiş keçidlərdən istifadə etməsi təkcə qaydaya riayət deyil, həm də öz təhlükəsizliyinə birbaşa təmin etməsidir.

Nərmin