Bakıda sərxoş sürücü yanacaqdoldurma məntəqəsində aləmi bir-birinə qatdı - VİDEO

Hadisə 6 İyun 2024 13:44 Oxunub 7528
Bakıda sərxoş sürücü  yanacaqdoldurma məntəqəsində aləmi bir-birinə qatdı   - VİDEO
WhatsApp kanalımıza abunə ola bilərsiniz

Paytaxtda sərxoş sürücü yanacaqdoldurma məntəqəsində çətinlik yaradıb.

Avrosfer.az xəbər verir ki, hadisə Hava limanı yolundakı YDM-lərdən birində baş verib.

Bu barədə redaksiyamıza təlimçi Arzu Babazadə video göndərib. Təlimçi deyir ki, iyunun 5-i saat 17:00 radələrində avtomobilinə yanacaq doldurmaq üçün YDM-yə daxil olub: “Bu zaman 77-CZ-815 qeydiyyat nişanlı “KIA” markalı avtomobilin sürücüsü arxadan gələrək yaxınımda saxladı. Mənim maşınıma benzin doldurularkən bir neçə dəfə siqnal səsindən istifadə edən xanım sürücüyə mən və orada olan bir neçə sürücü maşını bir az geriyə çəkməsini xahiş etdik. Çünki çox yaxın saxladığı üçün mən YDM-dən çıxa bilmirdim. Lakin xanım sürücü və yanındakı şəxs mübahisə etməyə başladı. Avtomobilimdən düşdükdə isə sürücünün sərxoş olduğunu gördüm. Daha sonra bununla bağlı DİN-in 102 xidmətinə məlumat verdim”.

Təlimçi bildirir ki, bunu görən xanım sürücü geriyə verərək sürətlə oradan uzaqlaşıb.

Görüntüləri təqdim edirik:

Məhəbbət Tərlanoğlu

ŞƏRH YAZ
Ad

E-mail

Şərh