“BMW” yanıb kül oldu - FOTOLAR

Ağcabədi rayonunda “BMW” markalı avtomobil yanıb.

Avtosfer.az qafqazinfo-ya istinadən xəbər verir ki, hadisə rayonun Hüsülü kəndində baş verib.

Rayon sakini Mahir Mustafayevə məxsus “BMW” markalı avtomobil hərəkətdə olarkən qəfil alovlanıb. Qısa müddətdə güclənən yanğın avtomobilin bütün hissələrini əhatə edib.

Hadisə yerinə Fövqəladə Hallar Nazirliyinin (FHN) yanğınsöndürən qüvvələri cəlb olunub. Yanğın söndürülüb, lakin avtomobil yararsız vəziyyətə düşüb.

Hadisə zamanı xəsarət alan olmayıb.

Faktla bağlı araşdırma aparılır.