Əfqan Sadıqov tutuldu, Azərbaycana gətirilir - YENİLƏNİB

Əfqan Sadıqov Azərbaycana deportasiya edilib.

Avtosfer.az APA-ya istinadən xəbər verir ki, bu barədə onun vəkili Nemət Kərimli məlumat verib.

Vəkil bildirib ki, Əfqan Sadıqov ölkəyə gətirilib və Dövlət Miqrasiya Xidmətində dindirilib.

O qeyd edib ki, Əfqan Sadıqov günün ikinci yarısında sərbəst buraxılıb.

***11:12

Gürcüstan Daxili İşlər Nazirliyi (DİN) sosial şəbəkələrdə polis əməkdaşını təhqir etdiyinə görə Azərbaycan vətəndaşı Əfqan Sadıqova qarşı İnzibati Xətalar Məcəlləsinin 173-cü maddəsi ilə iş qaldırdığını bəyan edib.

Avtosfer.az 1tv.ge-yə istinadən xəbər verir ki, bu barədə Gürcüstan DİN-in bəyanatında deyilir.

DİN-in məlumatına görə, Əfqan Sadıqov aprelin 4-də Tbilisi Polis İdarəsinin əməkdaşları tərəfindən məhkəməyə çatdırılması və işinə vaxtında baxılması məqsədilə saxlanılıb.

"İctimaiyyətə xatırlatmaq istərdik ki, Əfqan Sadıqov müxtəlif növ inzibati xətalara, o cümlədən toplaşmaq və nümayiş qaydalarının pozulmasına görə 62 dəfə məsuliyyətə cəlb edilib və buna görə artıq iki dəfə inzibati həbs cəzası çəkib, - deyə DİN-in bəyanatında bildirilir.

Məhkəmənin qərarı ilə Əfqan Sadıqov 2 min lari məbləğində cərimə olunub, Gürcüstandan deportasiya edilib və onun 3 il müddətinə ölkəyə girişinə qadağa qoyulub.