İstanbulda azərbaycanlı kişi evdə ölü tapıldı – Bacısı meyitlə bir həftə yaşayıb

İstanbulun Qaziosmanpaşa rayonunda mənzildən yayılan pis qoxu dəhşətli hadisəni üzə çıxarıb. Polis və yanğınsöndürənlərin daxil olduğu evdə Azərbaycan vətəndaşı Rövşən Zeynalovun meyiti aşkarlanıb.

Avtosfer.az Hürriyet-e istinadla xəbər verir ki, araşdırma zamanı onun bacısı Mətanət Zeynalova təxminən bir həftə ərzində qardaşının meyiti ilə eyni evdə yaşadığı məlum olub. Psixoloji problemlərinin olduğu iddia edilən qadın hadisə zamanı yataq otağında yatarkən aşkarlanıb.

Mənzildə ilkin araşdırma zamanı qan izlərinə də rast gəlinib. Rövşən Zeynalovun meyiti ölüm səbəbinin müəyyənləşdirilməsi üçün məhkəmə-tibb ekspertizasına göndərilib. Polis hadisə ilə bağlı araşdırma aparır.