Narkotik qəbul edənlər taksinin yolunu kəsdi – Sürücü bibər qazı ilə cavab verdi - VİDEO

Taksi sürücüsü ilə qeyri-adekvat davranışlar sərgiləyən şəxslər arasında münaqişə baş verib. Avtosfer.az xəbər verir ki, Rusiya paytaxtı Moskva ətrafındakı yaşayış məntəqələrinin birində baş verən hadisə kameraya düşüb. Məlumata əsasən, narkotik vasitələrin təsiri altında olduqları ehtimal edilən bir qrup şəxs özlərini hərəkətdə olan nəqliyyat vasitəsinin qarşısına ataraq sürücüyə maneə törədiblər. Taksi sürücüsü əvvəlcə avtomobildən düşərək həmin şəxsləri yoldan uzaqlaşdırmağa çalışsa da, qarşı tərəf aqressiv hərəkətlərini davam etdirərək təkrarən maşına tərəf hücum çəkib.

Yaranmış təhlükəli vəziyyətdən çıxmaq və özünü müdafiə etmək məqsədilə sürücü bibər qazından istifadə etməli olub. Yalnız bundan sonra o, hadisə yerini tərk edə bilib.

Faktla bağlı hüquq-mühafizə orqanları tərəfindən araşdırma aparılır. Ərazidə ictimai asayişi pozan şəxslərin kimliyinin müəyyənləşdirilməsi istiqamətində tədbirlər görülür.

Sözügedən hadisənin görüntülərini təqdim edirik:

Namiq Musayev