Qətər sahillərində neft tankerinə hücum - Ölən və yaralananlar var

Böyük Britaniya Hərbi Dəniz Qüvvələrinin Dəniz Ticarət Daşımalarının Koordinasiya Mərkəzi (UKMTO) Qətər sahilləri yaxınlığında neft tankerinə hücum edildiyini açıqlayıb.

Avtosfer.az xəbər verir ki, UKMTO-nun yaydığı məlumata görə, Fars körfəzində üzən tankerə çoxsaylı sursatla hücum edilib.

Hadisə Mədinət əş-Şamal şəhərindən təxminən 51 dəniz mili şimalda baş verib.

Hücum nəticəsində ölən və yaralananların olduğu bildirilib.

UKMTO ərazidə üzən gəmiləri ehtiyatlı olmağa, hər hansı şübhəli fəaliyyət barədə səlahiyyətli qurumlara məlumat verməyə çağırıb.

Hadisə ilə bağlı araşdırma davam edir.