Taksi sürücüsü geyimi çirkli olan sərnişini çəkiclə döydü - Cinayət işi açıldı - FOTO

Taksi sürücüsü geyimi çirkli olan sərnişini çəkiclə döyüb. Avtosfer.az xəbər verir ki, insident Rusiyanın Həştərxan vilayətində baş verib.

Daxili İşlər Nazirliyinin (DİN) mətbuat xidmətindən verilən məlumata görə, taksi sürücüsü işdən çıxan kişinin avtomobilin salonunu çirkləndirəcəyini əsas gətirərək onu aparmaqdan imtina edib. Tərəflər arasında başlayan söz mübahisəsi qısa zamanda böyüyüb. Sürücü avtomobildən götürdüyü çəkiclə sərnişinin baş nahiyəsinə bir neçə ağır zərbə endirib.

Hücum nəticəsində ağır xəsarət alan sərnişin xəstəxanaya yerləşdirilib. Hadisəni törədən sürücü hüquq-mühafizə orqanlarının əməkdaşları tərəfindən saxlanılıb. Faktla bağlı cinayət işi başlanılıb, istintaq tədbirləri davam etdirilir.

Namiq Musayev