250 min insan süni intellektlə eşq yaşayır

Dünyada getdikcə populyarlaşan süni intellekt tanışlıq tətbiqlərinin təsiri Türkiyədə də görünməyə başlayıb.

Avtosfer.az Axşam.az-a istinadən xəbər verir ki, mövcud məlumatlara görə, Türkiyədə 250 min insan süni intellektlə eşq yaşayır. Mütəxəssislər xəbərdarlıq edir ki, bu rəqəmsal sevgi çılğınlığı psixoloji və sosial risklər daşıyır.

İnsanlar xüsusi olaraq onlar üçün proqramlaşdırılmış rəqəmsal tərəfdaşlarla mesaj yazır, söhbət edir və emosional bağlar yaradırlar.

Hətta bəzi istifadəçilər keçmiş həyat yoldaşlarının və ya sevgililərinin xüsusiyyətlərini virtual partnyorlarına əks etdirirlər.

Psixoloqlar xəbərdarlıq edirlər ki, bu cür təcrübələr sosial bacarıqlara xələl gətirə və real münasibətlərə süni alternativlərə meyli artıra bilər. Lakin bəzi istifadəçilər iddia edirlər ki, Aİ mühakimə etmədən dinləyən, həmişə əlçatan və qayğıkeş olan tərəfdaşları onlara təklif edirlər.

Statistikalar göstərir ki, Aİ tanışlıq proqramlarından istifadə edənlərin 60%-i qadınlardır. Bu, təklik və təsdiq ehtiyacı kimi psixoloji amillərin bu təcrübələrə meyli artırdığını göstərir.