30-cu illərdə təyyarələr belə idi - FOTO

XX əsrin 30-cu illəri aviasiyanın sürətli inkişaf dövrüdür. Artıq bir çox ölkə, o cümlədən Azərbaycan təyyarə ilə tanış olmuşdu. Dünyada təyyarə ilə sənişin daşınması da kütləviləşirdi. Lakin o zaman hava maşınları fərqli idi.

Avtosfer.az xəbər verir ki,  o dövrün təyyarələri komfort, təchizat, təhlükəsizlik baxımından müasir texnikadan ciddi şəkildə fərqlənir. Lakin 70-80 il əvvəl hava nəqliyyatından istifadə tamamilə ayrı hiss yaradırdı. 

Həmin dövrün təyyarələrində hermetiklik yox idi. Buna görə də, sərnişin pəncərəni aça, küləyi hiss edə bilərdi. 
Təyyarələr alçaqdan uçurdu. Uçuş sürəti də az idi – 150 -200 km/saat arası. Həm də naviqasiya inkişaf etmədiyi üçün təyyarələr yalnız gündüzlər havaya qalxırdı. Müntəzəm reyslər şose yollarının uzəri ilə planlaşdırılırdı. Dumanda yolu itirmək qəzanı qaçınılmaz edirdi. 

Oturacaqlar isə fotoda (Boeing təyyarələrinə aid) gördüyümüz şəkildə olurdu. Kəmərsiz, qoruyucusuz.
Doğrudur, 30-cu illərin aviasiyası indikinə bənzəmirdi. Lakin ozamankı uçuşlarda sərnişinlər daha çox ekstrim ala bilirdilər.

Vüqar