4 kiloqram yanacaq 30 il sürməyə kifayət edir

Gəmilərin çox yanacaq sərf etməsi hamıya məlumdur. Lakin sualtı qayıqlarda vəziyyət başqadır.

Avtosfer.az xəbər verir ki, tez tez sahilə çıxmamaq üçün sualtı qayıqlar nüvə enerjisi ilə hərəkətə gətirilir. Daha doğrusu nüvə enerjisindən alınan elektriklə. Sualtı qayıqların nüvə reaktorlarında zənginləşmiş uran-235 istifadə edilir.

4-5 kiloqram uran sualtı qayığın 30 il istismar olunması üçün kifayətdir. Buna görə də reaktorda yanacağın 20 ildən tez yenilənməsinə ehtiyac qalmır.

1 kiloqram uranın parçalanması zamanı 24 milyon kilovat saat elektrik enerjisi əldə etmək mümkündür. Bu da kiçik bir şəhəri tam təchiz edə bilər. Bu səbəbdən atom sualtı qayıqları ənənəvi dizel generatorlu qayıqlardan fərqli olaraq aylarla sahilə çıxmadan hərəkət edə bilər.

Vüqar