50 ildir vəsiqəsiz maşın sürən şəxs hakim qarşısına çıxarılır

Yanvarın 1-də bayram günü polisin keçirdiyi təsadüfi reyd londonlu sürücünün əhvalını obrazlı desək, təlx edib.

Avtosfer.az xəbər verir ki, xırda bir texniki problemə görə saxlanılan sürücünün vəsiqəsi olmadığı üzə çıxıb. Daha doğrusu, yaşı 70-i ötmüş ağsaqqalın sürücülük vəsiqəsinin vaxtının 1975-ci ildə bitdiyi üzə çıxıb.

Buna görə də, sürücünün idarə etdiyi bahalı “Range Rover” cərimə meydançasına yerləşdirilib, sürücü barədə toplanan faktlar isə məhkəməyə göndərilib. Qeyd edək ki, Britaniyada sürücülük vəsiqəsi olmadan idarəetməyə görə çox ciddi cəzalar tətbiq edilir. Bu ölkədə yalnız kralın vəsiqəsiz maşın sürmək səlahiyyəti var.

Vüqar Yaşaroğlu