7 yaşlı məktəbli yol işarəsindəki səhvi tapdı

Almaniya mətbuatı 7 yaşlı məktəblinin aşkara çıxardığı xətadan danışır. 

Avtosfer.az xəbər verir ki, sinif yoldaşları ilə başqa şəhərə ekskursiyaya gedən məktəbli minlərlə sürücünün görmədiyi xətanı aşkara çılxarıb. Belə ki,

Amorbax yaşayış məntəqəsindəki yol nişanı son təyinat yerinə - Valdurna  qədərki məsafənin 14 kilometr olduğunu göstərirdi. Növbəti yaşayış məntəqəsində Şniberqdəki yol nişanında isə Valdurna 15 km yol qaldığı qeyd olunmuşdu.

Ekskursiyadan qayıdan tələbə məktəb rəhbərliyinin köməyi ilə regionun rəhbərliyinə xəta ilə bağlı müraciət edir. Bundan sonra yol işçiləri məsafəni təkrarən ölçürlər. Məlum olur ki, Amorbaxdakı nişanda səhvən 18 km yerinə 14 km yazılıb.

Xəta tezliklə aradan qaldırılıb. Regionun rəhbəri isə yeni yol nişanının yanında məktəbli ilə xatirə şəkli çəkdirib və ona təşəkkürnamə ünvanlayıb.
 

Vüqar