ABŞ-də qadın “ChatGPT”​yə etibar edib 100 min qazandı

ABŞ-dən olan bir qadın “ChatGPT”​yə etibar edib və lotereyada 100 min dollar udub. Avtosfer.az “Qafqazinfo”ya istinadən xəbər verir ki, bu haqda “UPI” məlumat yayıb. Məlumata görə, Miçiqandan olan Temmi Karvi şansını süni intellektə etibar etmək qərarına gəlib. O, “ChatGPT”dən onun üçün lotereya nömrələri seçməyi xahiş edib və bu nömrələr ona 100.000 dollar mükafat qazandırıb. “Mən sadəcə “ChatGPT”dən nömrələrin birləşməsini təklif etməyi xahiş etdim. Onları biletimə daxil etdim və nəticə budur!”, - o bildirib. Qadın əvvəlcə 50.000 dollar qazanacağını düşünüb, lakin sonra nəticələri iki dəfə yoxlayıb və bunun ikiqat olduğunu görüb. Lotereya rəsmilərinin sözlərinə görə, bu, iştirakçının uduş kombinasiyasını seçmək üçün süni intellektdən istifadə etdiyini açıq şəkildə etiraf edən ilk qeydə alınmış hadisədir.