Alimlərdən maraqlı kəşf: Yer kürəsində həyat spirtdən yaranıb

Alimlər Yerdən təxminən 330 işıq ili uzaqlıqda yerləşən "HD 100453" adlı ulduzun ətrafında qazların tərkibində metanol və onun izotoplarını aşkar ediblər və bu da spirtin planetin özünün və planetdəki həyatın əmələ gəlməsində iştirak etdiyini göstərir. Avtosfer.az-ın Oxu.az-a istinadən xəbərinə görə, bu barədə "Live Science" nəşri məlumat verib.

"Bu ilk haldır ki, tədqiqatçılar "HD 100453" kimi gənc ulduzun diskində metanol izotopları tapıblar. Metanol həyat üçün vacib olan aminturşular kimi üzvi birləşmələrin tikinti materialıdır", - deyə nəşr yazıb. Bildirilib ki, belə bir kəşf Yer kürəsində həyatın meydana gəlməsini izah edir. Bundan əlavə, tədqiqatlar təsdiq edir ki, bir neçə milyard il əvvəl kometalar planetimizə üzvi materialın çatdırılmasında mühüm rol oynayıb. Nəşrin məlumatına görə, bu cür nəticələrə Çilidə, Atakama ALMA interferometrindən (66 teleskopdan ibarət astronomik qurğu - red.) istifadə edərək gəlinib. Nəşr bildirir ki, ALMA yaxınlıqdakı protoplanet disklərində qazın kimyəvi tərkibini və paylanmasını əks etdirir.