Artan rüsumlar: hamı uduzur, bir nəfər qazanır

ABŞ Prezidenti Donald Trampın aprelin 2-dən etibarən idxal avtomobillərə 25 faiz rüsum tətbiqi ilə bağlı qərarı bir çox istehsalçını narahat edib. Söhbət Avropa, Koreya və Yaponiyadan olan istehsalçılardan gedir. 

Avtosfer.az xəbər verir ki, ABŞ-də avtomobil istehsal etməyən, və ya az istehsal edənlərin vəziyyəti daha ağır olacqaq. Məsələn, Jaguar/Land Rover ABŞ-də satdığı bütün avtomobilləri idxal edir. Vəziyyəti ağır olanlar arasında Volvo (90% idxal), Mazda (81%), Volkswagen (80%), Hyundai/Kia (65%), Mercedes (63%), BMW (52%), Toyota (51%) və Subaru (45%) yer alır. 

ABŞ brendlərinin də vəziyyəti ürəkkaçan deyil. GM bu ölkədə satdığı avtomobillərin 46%-ni, Stellantis 45%, Ford isə 21%-ni idxal hesabına təmin edir.
İş burasındadır ki, digər ölkələr də əlavə rüsum tətbiq etsələr, ABŞ-li ixracatçıların bazarı zəifləyəcək, ölkədə işsizlik artacaq.

Bütün bunların fonunda isə bir nəfər irəli düşür. Söhbət teslanın rəhbəri İlon Maskdan gedir. Tesla ABŞ-də istehsal etdiyi modellərin demək olar hamısını yerli bazarda satır.

Vüqar