Bu aeroportun uçuş zolağı şəhərin əsas prospektindən keçir - FOTO - VİDEO

Cəbəllütariqin ərazisi cəmi 6,8 kvadrat kilometr olsa da, strateji əhəmiyyəti böyükdür. 30 min nəfər əhalisi olan ərazinin beynəlxalq aeroportu da mövcuddur. 

Avtosfer.az xəbər verir ki, Cəbəllüttariqin yeganə aeroportunun uçuş zolağı şəhərin mərkəzi küçəsindən keçir. Əslində bu, seçimin olmamasından irəli gəlir. Lakin əhali bu vəziyyətdən narahat deyil.

Təyyarələrin qalxması və enməsi zamanı Uinston Çörçil prospektində hərəkət dayandırılır. Hava gəmisinin qalxışı və enişindən sonra yol açılır və hamı öz işinə davam edir. 

2023-cü ildə uçuş zolağının altından tunel açılıb və avtomobillər bu yolla rahat hərəkət edə bilir. Piyada və velosipedçilər isə təyyarələrin enib-qalxmasını gözləməlidirlər. 


Maraqlıdır ki, belə bir mürəkkəb vəziyyətə baxmayaraq, indiyədək aeroportda heç bir ciddi toqquşma qeydə alınmayıb.

Vüqar Yaşaroğlu