Bu ölkədə havanın temperaturu 46 dərəcəni keçdi

Pakistanda mövsümi normaların üzərində olan hava temperaturu müşahidə olunub.

Avtosfer.az xəbər verir ki, ölkənin bir çox yerində havanın temperaturu  6-8 dərəcə yüksəlib. Bildirilib ki, havanın temperaturu Nəvabşahda 46,4, Sibidə 46, Bəhavalpurda 43, paytaxt İslamabadda 38, Lahorda 41 dərəcə olaraq ölçülüb.  Meteorologiya Departamenti rəsmiləri vətəndaşları isti havalardan qorumaq üçün lazımi tədbirlər görməyə çağırıb. Qeyd edək ki, Pakistanda ölkə tarixində ən yüksək temperatur 28 may 2017-ci ildə Bəlucistan əyalətinin Turbat şəhərində 53,5 dərəcə olaraq qeydə alınıb.