Bu ölkədə heyvanlara şəxsiyyət vəsiqələri verilir - FOTOLAR

Çinin Honq-Konq bölgəsində ev heyvanları üçün xüsusi şəxsiyyət vəsiqələrinin verilməsinə başlanılıb. Avtosfer.az "Yenisabah"a istinadla xəbər verir ki, bu yenilik regionda heyvanların hüquqlarının qorunması və onlara daha məsuliyyətli yanaşmanın təşviqi məqsədini daşıyır. Yeni sistem sayəsində ev heyvanlarının hər biri fərdi məlumat bazasına daxil ediləcək, bu da onların itməsi və ya tərk edilməsinin qarşısını almağa kömək edəcək. Məlumatda vurğulanır ki, layihənin əsas məqsədlərindən biri sahiblərlə heyvanlar arasında əlaqəni gücləndirmək, eyni zamanda rifah səviyyəsini yüksəltməkdir. Rəsmilər hesab edirlər ki, bu cür sənədləşmə həm baytarlıq xidmətlərinin keyfiyyətini artıracaq, həm də küçə heyvanlarının sayının azaldılmasına töhfə verəcək.