Bu ölkədə qızıldan küçə salınacaq

Birləşmiş Ərəb Əmirliklərinin Dubay şəhərində qızıl elementlərindən istifadə edilən küçənin salınması nəzərdə tutulur.

Avtosfer.az "Unikal"a istinadən xəbər verir ki, bu barədə Euronews məlumat yayıb.

Məlumata görə, layihə çərçivəsində küçənin inşasında qızıldan yararlanılacaq. Ancaq qızılın hansı formada və miqyasda tətbiq ediləcəyi hələlik dəqiqləşdirilməyib. Sözügedən küçə Dubayda yerləşən məşhur Qızıl Bazarının yenilənməsi və beynəlxalq səviyyədə tanıdılması məqsədi daşıyan "Dubai Gold District" layihəsinə daxildir.

Layihənin reallaşdırılacağı ərazi Dubayın Deyra rayonunda yerləşir. Burada hazırda qızıl və zinət əşyalarının satışı ilə məşğul olan təxminən minə yaxın sahibkar fəaliyyət göstərir. Qızıl küçənin nə vaxt istifadəyə veriləcəyi isə hələ açıqlanmayıb.