Çin markaları: bir addım irəli, iki addım geri

Çin elektromobillərinin dünyada sürətlə yayılması artıq faktdır. Lakin bu, aysberqin görünən üzüdür.

Avtosfer.az xəbər verir ki, Çinin rəsmi mediası da artıq məsələni ictimailəşdirib. Məlum olub ki, BYD, Zeekr və daha bir neçə marka qlobal səviyyədə irəli gedir, böyük brendlərə rəqib olur. Lakin yerdə qalan 50-dək marka iflas həddindədir. Onların adını nəinki əcnəbilər, heç çinlilər də bilmir. Dövlət subsidiyası kəsilən kimi müflisləşmə başlayıb.

Ötən gün çinli jurnalistlər Şanxayda bir satış mərkəzində müşahidə aparıblar. Məlum olub ki, rəhbərlər işə çıxmır, əməkdaşlar isə siqaret çəkərək, kofe içərək oş gününün sonunu gözləyirlər.

Ukrayna müharibəsi Çin avtomobil sənayesi üçün göydəndüşmə oldu. İndi isə Rusiya bazarında da cəmi bir neçə Çin brendinə etimaf qalıb. Bunların adı məlum olsa da, reklam olmasın deyə yazmırıq. 

Ruslar tanınmayan Çin modelıərindən üz döndərdiyi üçün az tanınan markaların çöküşü sürətlənib.

Vüqar Yaşaroğlu