Dünyanın bu ərazisində təyyarə uçmur - FOTO

“Flyradar” saytına baxdıqda görürük ki, təyyarələr Yer kürəsinin səmasını hörümçək toru kimi əhatə edib. Lakin bir zona istisnadır. Söhbət Tibet regionundan gedir. Bəs səbəb nədir?

Avtosfer.az xəbər verir ki, Tibet regionunda təyyarə  reyslərinin yoxluğu əsasən relyeflə əlaqədardır. Burada düzənliklər təxminən 5000 metr yüksəklikdədir. Bəzi zirvələrin hündürlüyü 8 min metri ötdüyündən təhlükəsiz uçuş üçün minimum 13 min metr yüksəlik tələb edilir. Bu da əlavə yanacaq sərfiyyatı yaradır. 

Eyni zamanda, beynəlxalq aviasiya normaları da bunu diktə edir. Normaya görə hər təyyarədə oksigen ehtiyatı 15-20 dəqiqədir. Salonda hermetiklik pozularsa, ekipaj layneri ən qısa müddətdə 3000 metrə endirməlidir ki, nəfəs almaq mümkün olsun. Tibetdə isə bu mümkün deyil. Eyni zamanda, regionda daimi külək və turbulentlik müşahidə edilir.

Lakin regionda 4 min metrədək yüksəklikdə yerləşən az sayda aeroport fəaliyyət göstərir. Bura xüsusi təchiz edilmiş təyyarələr və pilotlar uçuş həyata keçirir. Bu uçuşlar kütləvi olmamaqla yanaşı, yalnız qonşu ölkələri əlaqələndirir.

Vüqar