Qadın ərini restorana dəvət edərək AI-95 benzini hədiyyə etdi - FOTO

Maraqlı hadisə Türkiyədə baş verib. Avtosfer.az xəbər verir ki, Artvin şəhərində yaşayan Gülay Şimşəkə əri ötən il Sevgililər Günündə əridilmiş yağ hədiyyə edib. Bu il isə o, sevgilisini dəbdəbəli restorana dəvət edərək ona 5 litrlik kanstirdə Aİ-95 benzini hədiyyə edib. G.Şimşək olanları belə nəql edib:  "Ötən il yağın qiymətinin qalxmasına görə həyat yoldaşım mənə Sevgililər Günü münasibətilə 5 litr yağ hədiyyə etmişdi. Bu il də benzinin qiymətinin qalxmasına görə mən ona 5 litrlik kanstirdə Aİ-95 benzini hədiyyə etdim" - deyə o bildirib.

Qeyd edək ki, cütlüyün bu cür təbriki sosial mediada da maraqla qarşılanıb.