Fokuslu radar nədir və adi radardan fərqi nədədir?

Azərbaycanda avtomobil sahibi olanlar da, olmayanlar da radarın nə olduğunu bilir. Hətta rayonlara tez-tez gələn sərnişinlər də stasionar radarların yerini əzbər bilirlər. İndi isə yeni bir radar növünün tətbiqinə başlanılıb. Əlbəttə ki, bizdə yox, Niderlandda.

Avtosfer.az xəbər verir ki, yeni qurğular “fokuslu radar” adlanır. Bunlar ilk baxışda Bakı-Qazax yolundakı radarlardan fərqlənmir. Yeganə fərq təsvirin keyfiyyətidir.

Bu radarlar fotoları HD keyfiyyətində çəkdiyi üçün mübahisəyə yer qalmır. Məsələn, adi radarda təsvir qarışıq olduğu üçün bəzən xətanı müəyyən etmək mümkün olmur.

Lakin yeni radarlarda sürücünün dizinin üstünə telefon, yoxsa qələm qoyduğunu dəqiq ayırd etmək mümkündür. 

Avropanın bir çox ölkəsində polis belə gəlir gətirən radarı quraşdırmaq istəsə də, qanun imkan vermir. Əksər ölkələrdə radarn avtomobil salonunu çəkməsi şəxsi həyata müdaxilə hesab edilir.

Vüqar