"Forbes" dünyada ən varlı üç adamın adını açıqladı

"Forbes" jurnalı Tesla və SpaceX şirkətlərinin rəhbəri amerikalı iş adamı Elon Maskı yenidən dünyanın ən varlı insanı elan edib.
Avtosfer.az Teleqraf-a istinadən xəbər verir ki, ardıcıl ikinci ildir Elon Mask "Forbes"in siyahısına başçılıq edir.
Nəşrin məlumatına görə, Maskın xalis sərvəti ötən illə müqayisədə 2,5 dəfə artaraq 839 milyard dollara çatıb.
Google-un yaradıcılarından olan Larri Peyc siyahıda ikinci yeri tutub. "Forbes" onun sərvətini 257 milyard dollar olaraq qiymətləndirib.
Google-un həmtəsisçisi Sergey Brin isə 237 milyard dollarlıq xalis sərvəti ilə üçüncü yeri tutub.