"Formula-1"in ən yüksəkmaaşlı pilotu açıqlanıb

"Red Bull" komandasının niderlandlı pilotu Maks Ferstappen 2025-ci il mövsümünün nəticələrinə görə 76 milyon dollar qazanaraq "Formula-1"in ən yüksəkmaaşlı sürücüsü olub. Avtosfer.az Oxu.az-a istinadən xəbər verir ki, bu barədə "Forbes" jurnalı məlumat yayıb. Gəlirlərə görə ikinci yeri "Ferrari"dən olan yeddiqat dünya çempionu, britaniyalı Lyuis Hemilton tutub. O, 70.5 milyon dollar qazanıb. Üçüncü yerdə isə "McLaren" komandasının pilotu, son dünya çempionu britaniyalı Lando Norris (57.5 milyon dollar) qərarlaşıb.

Qeyd edək ki, Ferstappenin 28 yaşı var, o, "Formula-1"in dördqat çempionudur (2021, 2022, 2023, 2024). Ötən mövsümdə o, fərdi hesabda ikinci yeri tutub. Niderland pilotu son dörd mövsümdə "Formula-1"dən əldə olunan gəlirlərə görə liderlik edir.