Gələcəkdə real ola biləcək 7 futuristik təyyarə - FOTO

Təyyarələrin 30-40 il əvvəlki görünüşünü indiki təyyarələrlə müqayisə etdikdə elə də böyük fərq görünmür. Ən azından görünüşdə. Beləliklə, texnologiya bu qədər inkişaf edərkən, daim yeni dronlar və havada uçan avtomobillər kimi futuristik dizaynlarla qarşılaşarkən, gələcəkdə təyyarələri nələrin gözlədiyi barədə heç düşünmüsünüzmü? Biz bu barədə düşündük və sizin üçün ən diqqət çəkən 7-ni seçdik:

Gələcəkdə göylərdə hansı futuristik təyyarələr peyda olacaq?

1. Airbus "MAVERICK"

MAVERIC əslində "Sağlam İnnovativ İdarəetmələrin Təsdiqlənməsi və Təcrübəsi üçün Model Təyyarə" deməkdir. Azərbaycan dilində "Güclü və Yenilikçi İdarəetmələrin Təsdiqlənməsi və Testi üçün Model Təyyarə" mənasını verir. Gələcəkdə səmada görəcəyimiz ən fərqli dizaynlı təyyarə modellərindən biri olan MAVERIC, gövdəsi olmayan nəhəng bir qanad kimi görünür.

2. ZerO

Adından da sıfır emissiyalı və elektriklə işləyən bir təyyarə kimi başa düşülən ZerO, qanadların və pervanelerin yerləşdirilməsi ilə kifayət qədər yenilikçi və futuristik görünür. Məşhur dizayner Co Doucet tərəfindən hazırlanmış təyyarə "Səmanın Teslası" adlanır. Hal-hazırda saf bir konsepsiya olan ZerO çox da uzaq olmayan gələcək üçün nəzərdə tutulub. Elektrikli nəqliyyat vasitələrinin gedə biləcəyi maksimum məsafəni və bu anda batareya doldurma problemlərini nəzərə alsaq və buna təyyarənin çəkisi əlavə edildikdə, ən böyük sual işarəsi onun bütün elektrik enerjisi ilə nə qədər gedə biləcəyidir.

3. A350h Airliner

Viktor Uribe tərəfindən hazırlanmış A350h Təyyarə modeli elmi fantastika filmindən kənara çıxmış kimi görünür. Maşından çox canlıya bənzəyən bu təyyarənin dizaynı delfinlərdən ilhamlanıb. Bu konseptual təyyarə şaquli uçuş və eniş üçün nəzərdə tutulub ki, bu da həyata keçirildiyi təqdirdə uzun uçuş-enmə zolağına ehtiyacı aradan qaldıracaq.

4. Progress Eagle

"Tərəqqi Qartalı" mütləq gələcəkdən bir təyyarə kimi görünür. Oscar Viñals onun hazırladığı bu modelin təyyarələrin gələcəyi olacağına inanır. Göyərtəsində tam 800 sərnişin tutumuna malik olan təyyarə ekoloji cəhətdən təmiz günəş panelləri ilə diqqət çəkir.

5. Flying-V

KLM tərəfindən hazırlanmış və formasına görə adlandırılan Flying-V dizaynerləri sərnişinləri qanadlarda oturmuş təsəvvür edərək bu modeli yaratdılar. Airbus-un MAVERIC kimi, bu təyyarənin də uzun məsafələrdə yanacaq sərfiyyatını əhəmiyyətli dərəcədə azaltdığı iddia edilir. Bunun səbəbi həm təyyarənin ümumi çəkisini azaltması, həm də aerodinamikasını yaxşılaşdırması idi.

6. EADS VoltAir

Elektriklə işləməsi planlaşdırılan və xarici görünüşünə görə çox futuristik görünən başqa bir model EADS Voltairdir. 2035-ci ildə uçuş həyatına başlaması planlaşdırılan model inanılmaz dərəcədə yüngül olacaq və cəmi 50-80 sərnişin tutumuna sahib olacaq. Çox az sərnişin daşıyan bir təyyarə olduğunu nəzərə alsaq, aviabilet qiymətlərinin də yüksək olacağı gözlənilir.

7. Synergy Aircraft

John McGinnis tərəfindən dizayn edilmiş və inkişaf etdirilən Synergy Aircraft-ın eyni ölçülü adi reaktiv təyyarənin yanacağının yalnız 10%-ni istifadə edəcəyi bildirilir. Cəmi 5 oturacaqlı kiçik bir təyyarə olsa da, bu futuristik təyyarə də əla görünür və dizaynı kifayət qədər aerodinamikdir.