Gənc mühəndis kartondan “Lamborghini” düzəltdi - SÜRMƏK DƏ MÜMKÜNDÜR - VİDEO

Nigeriyada yaşayan gənc öz yaradıcılığı və istedadı ilə diqqət mərkəzinə düşüb.

Avtosfer.az xəbər verir ki, nigariyalı gənc mühəndis sadəcə karton və digər tullantı materiallarından istifadə edərək dünyaca məşhur “Lamborghini” avtomobilinin real ölçülərə yaxın modelini hazırlayıb. Bu qeyri-adi əl işi sosial şəbəkələrdə böyük marağa səbəb olub.

Belə ki, mühəndis avtomobil dizaynına böyük maraq göstərdiyi üçün yüngül və ucuz materiallarla özünə kiçik nəqliyyat vasitəsi düzəltmək qərarına gəlib. O, öz əl işi ilə sübut edib ki, kreativlik və zəhmət sayəsində hər kəs qeyri-adi texnologiyalar yarada bilər. Onun hazırladığı karton “Lamborghini” yalnız xarici görünüşü ilə deyil, həm də hərəkət edə bilməsi ilə insanları heyran qoyub.

Sosial şəbəkədə yayılan görüntülərdən sonra yerli icma və bir sıra avtomobil həvəskarları gəncin istedadını yüksək qiymətləndirib. Bəzi avtomobil şirkətləri və mühəndislik sahəsində fəaliyyət göstərən mütəxəssislər onunla əlaqə saxlayaraq bu istedadın daha da inkişaf etdirilməsinə dəstək olacaqlarını bildiriblər.
Bu hadisə, bir daha sübut edir ki, istedad və yaradıcılıq üçün sərhədlər yoxdur. Gəncin hazırladığı unikal karton “Lamborghini” modeli həm texnologiyaya olan marağı artırıb, həm də bir çox insana ilham verib.

Eltac Zülfüqaroğlu