Göydə üzən qayıq...

Muğlanın məşhur turizm məkanı Fethiye çox nadir atmosfer hadisəsi olan "Fatan Morgana"ya ev sahibliyi edib.

Avtosfer.az Türkiyə mətbuatına istinadən xəbər verir ki, dənizdə baş verən görüntü hər kəsin diqqətini çəkib. Belə ki, ilk baxışdın üzən qayığın suyun üzərində deyil, havada asılı vəziyyətdə qalması əks olunub. 

Sözügedən hadisə elmdə "Fatan Morgana" adlanır. 

Qeyd edək ki,  "Fatan Morgana" üfüqdəki bir obyektin temperatur fərqinə görə havada asılı vəziyyətdə görünməsinə səbəb olan optik illüziyadır. Xüsusilə dəniz üzərində, isti-soyuq hava qatlarının birləşdiyi yerlərdə yaranır. Normalda uzaqda görünməli olan obyektlər (gəmi, ada, sahil xətti) hava qatlarının qırılma bucaqları dəyişdiyinə görə uzadılmış, qaldırılmış, əyri və ya havada asılı kimi görünür.