Gözətçi gecə "naməlum varlıq"la qarşılaşdı - ANBAAN VİDEO

Bəzən varlıqlarına şübhə duyduğumuz "qüvvələr"lə  günlük həyatımızda gözlənilməz anda qarşılaşa bilərik.  Paranormal hadisələr  saniyədə  baş versə də,  kameralara  həkk olunur. 

Avtosfer.az xəbər verir ki, belə hadisələrdən biri də Kolumbiyanın Kindio departamentinin paytaxtı Armenia şəhərində qeyd alınıb. Şəhər meri Xose Manuel Rios Morales "Facebook"da gözəgörünməz, naməlum bir qüvvənin merlik binasının gecə gözətçisinə necə hücum etməsinin videosunu paylaşıb.

Videodan da aydın şəkildə  görünür ki,  idarənin gözətçisi gecə koridorları gəzərkən gözəgörünməz bir qüvvə ona hücum edib, vurub kənara atıb, sonra isə o tərəf-bu tərəfə sürüyüb. 

Gözətçinin qışqırıq səsinə digər iki gözətçi yetişib. Şəxslər ərazidən uzaqlaşıblar. Daha sonra müşahidə kamerları ilə olanlara baxan insanlar təəccüblərini gizlətməyiblər. Qısa zamanda sosial şəbəkədə yayılan video gündəm olub.

Unikal.org