İki gün axtarılan uşaq evdə divanın altında tapıldı - FOTO

Rusiyada itkin düşən 9 yaşlı məktəbli evdə divanın altında tapılıb.

Avtosfer.az yerli mediaya istinadən xəbər verir ki, hadisə Saxalin vilayətində baş verib.

Belə ki, valideynləri uşağın noyabrın 24-də yoxa çıxdığını bildiriblər. Onların sözlərinə görə, uşaq Penza kəndindəki evdən çıxıb və bir daha geri qayıtmayıb.

Könüllülər, Fövqəladə Hallar Nazirliyi və polis iki gün uşağı axtarıb. Sonradan məlum olub ki, Sergey evdə gizlənib. Uşaq dərslərini buraxdığı üçün gizlənmək qərarına gəlib. Məlum olub ki, o, evdə heç kim olmayanda gizləndiyi yerdən çıxıb, hətta cizgi filmlərinə də baxıb. Uşağı 2 gün sonra yuxuya gedəndə tapıblar. Belə ki, o, yuxuda çevrilən zaman ayaqları divanın altından görünüb.