İntizamsız pilotun Kürdəmirdə başa çatan həyat hekayəsi

İntizamsız sürücü kimi intizamsız pilotlar da hər dövrdə olub. İndi texniki imkanlar dəyişdiyi üçün pilotlara daha ciddi nəzarət mümkündür 50-60 il əvvəl belə deyildi.

Avtosfer.az intizamsız pilotla bağlı hadisənin təfərrüatlarını təqdim edir. 

İsti bir avqust səhərində 109-cu aviadəstənin pilotu və aviatexnik Po-2A təyyarəsi ilə Kürdəmirdə pambıq sahəsini dərmanlamaq üçün yola düşürlər (çıxış aeroportu naməlumdur). Təlimata görə, pilot Qarasaqqal kəndindəki aerodroma enməli, pambıq sahələrinə yerüstü baxış keçirməli, ərazini öyrəndikdən sonra işə başlamalı idi. 
Bunların heç birini etməyən pilot 200 metr yüksəklikdə sahələrin üzəri ilə uçduqdan sonra dərman çiləmək üçün təyyarəni 15 metrədək endirir. Bu yüksəklikdə 45 dərəcə bucaq altında (icazə verilməyən hədd) dönərkən təyyarənin sürəti kəskin azlaraq yerə çırpılır. Alışan təyyarədən aviatexnik yaralı halda çıxa bilsə də, pilot xilas ola bilmir. 

Bir qədər də pilot barədə:
Saratov vilayətindəki Krasnokutsk Aviasiya Məktəbini bitirən pilot 8 illik iş təcrübəsi vaxtı sistematik olaraq uçuş qaydalarını pozub. Bu səbəbdən 1956-cı ildə 3 ay müddətinə uçuşdan kənarlaşdırılıb. İşə bərpa olunduqdan sonra da vərdişindən əl çəkməyən pilotun xidmət yerini... Azərbaycana dəyişiblər.

Lent.az