İqtisadçı: Çin taksilərinə kütləvi keçid bahalaşmaya səbəb olacaq 

“Rusiyada taksi parklarının Çin istehsalı olan avtomobillərə kütləvi keçidi yaxın gələcəkdə qiymət artımını qaçınılmaz edir. Çünki bu maşınlar tez xarab olur. Təmir isə böyük vaxt və məsrəf tələb edir”.

Avtosfer.az xəbər verir ki, bu fikri Rusiya iqtisadiyyat Universitetinin dosenti Maksim Maksimov səsləndirib. 
Alim qeyd edib ki, taksilərin gündəlik istismar yükü ailə avtomobili ilə müqayisədə daha ağırdır. Üstəgəl, şirkətlər qənaət məqsədi ilə ən ucuz modelləri seçir. Buna görə də, taksilərin təmirsiz istismar müddəti aşağı düşür. 
“Bunun üzərinə texniki qulluq və məsrəf materiallarının dəyişdirilməsinə biganəliyi də əlavə etsək, əminliklə deyə bilərik ki, Çin maşınlarının taksidə istisma müddəti Avropa və Yaponiya avtomobillərindən 40 faizədək aşağı olacaq” – deyə Maksim Maksimov vurğulayıb.

Vüqar