İşə velosipedlə get, pul qazan

Avropada velosipedin populyarlaşması barədə təkrarən danışmaq elə onu ikinci dəfə icad etmək kimi bir şeydir. Bu nəqliyyat vasitəsi kiçik şəhərlərdə avtomobili üstələyir. 

Avtosfer.az xəbər verir ki, bəzi ölkələrdə bu nəqliyyat vasitəsindən istifadə edənlərə mükafat da verilir. Məsələn, Belçikada velosipedlə qət edilən hər kilometr üçün 35 avro senti (təxminən 60 qəpik) ödənilir. Bu pulu bələdiyyələr və iş yerləri ödəyir. 

Statistika göstərir ki, bir belçikalı orta hesabla ildə velosiped sürməkdən 250 avro qazana bilir. Lakin gündəlik daha uzun yol qət edənlərin (21-30 km) illik qazancı 810 avroya çıxa bilir.

Bununla belə, velosipeddən istifadə mövsümə görə dəyişir. Yaz aylarında, mülayim havada belçikalılar bu nəqliyyatdan daha çox istifadə edirlər.

Vüqar