Kosmosa uçuş üçün biletlər satışa çıxarıldı – Qiymətlər isə…

Virgin Galactic kosmosa uçuş üçün biletlərin qiymətini açıqlayıb.
 
Artıq kosmosa bilet satışına başlanıb. Uçuşa hazırlıq müddətində kosmodromdakı bütün xərclər daxil olmaqla biletin qiyməti 4500 000 dollar müəyyən edilib. Şirkət tərəfindən bu il təxminən 1000 reysin gerçəkləşəcəyi bildirilib. Uçuş müddəti isə 90 dəq olacaq. Xatırladaq ki, ötən ilin yayında Virgin Galactic rəhbəri, Britaniyalı milyarder Riçard Branson rəhbərlik etdiyi heyət 17 illik hazırlıqdan sonra dünyada ilk dəfə kosmosa turist uçuşunu həyata keçirib. Uçuş 10 dəqiqə çəkib. Onların gəmisi kosmik orbitin sərhəddinədək, 90 km məsafəyədək yaxınlaşa bilmişdi. Ondan cəmi 9 gün sonra, "Amazon”un keçmiş rəhbəri Ceff Bezos Blue Origin şirkətinin New Shepard gəmisi ilə kosmosa qalxıb. O, dəniz səviyyəsindən 107 km məsafəyə qalxmaqla, kosmik sərhəd hesab olunan Karman xəttini keçərək 11 dəqiqə kosmosda olub.