Lüks avtomobildən düşən blogerin maşını divara… - SÜRÜCÜ BAXA-BAXA QALDI - VİDEO

Sosial şəbəkələrdə son günlər bəzi brend avtomobil markalarının sürücülərə yaratdığı problemlərlə bağlı videolar yayılmaqdadır. Trend olan video çəkmək istəyən bir gənc lüks avtomobilinin qapıları bağlı olanda nə edəcəyini bilməyib. Bu anlar sosial şəbəkələrdə geniş müzakirələrə səbəb olub. Bir çox istifadəçi video ilə bağlı müxtəlif fikirlər səsləndirib, bəziləri isə onun real olmadığını iddia edib.

Avtosfer.az xəbər verir ki, ABŞ-də yaşayan  sosial şəbəkə fenomeni Jojo Sim ləqəbli bloger atasının avtomobilindən sosial şəbəkədə trend video çəkmək üçün istifadə edib.

Belə ki, blogerin çəkdiyi videoda hərəkətdə olan fenomen “McLaren 720S” avtomobilindən düşərək səkiyə qaçır və yerə uzanır. Daha sonra avtomobilə çatmağa çalışır, lakin qapını açmağa nail ola bilmir. Video avtomobilin nəzarətsiz şəkildə divara doğru hərəkət etməsi ilə başa çatır.

Jojonun çəkdiyi video sosial şəbəkələrdə geniş müzakirələr yaradıb. “McLaren” modellərinin sürücüləri çətin vəziyyətə salma ehtimalının yüksək olması ilə bağlı fikirlər bildirilib.

Eltac Zülfüqaroğlu