Moskvada da avtobus zolaqları salınır, amma...

Rusiyanın paytaxtında sürətli avtobus zolaqları salınmağa başlayıb. 

Avtosfer.az xəbər verir ki,  ilk zolaq Moskvanın şimalında salınacaq. Məqsəd ictimai nəqliyyatın sürətini 30 faiz artırmaqdır. Zolaq salınması nəzərdə tutulan ərazidən hazırda 33 marşrut keçir. 
Maraqlıdır ki, bu zolaqlar digər ölkələrdən fərqli olaraq yolun sol tərəfində yerləşəcək. Yollarda həmçinin piyada keçidlərinin və avtobus dayanacaqlarının sayı artırılacaq. 

Nəqliyyata məsul şəxslər zolaqların solda olmasının səbəbini də izah ediblər. Onların fikrincə, bu prinsip fərdi avtomobillərin sağa dönməsini də asanlaşdıracaq. 
Zolaqlar layihələndirilərkən avtobusların metro stansiyalarına tez çatması da nəzərə alınır.
Hələlik avtobus zolaqlarına digər nəqliyyat vasitələrinin daxil olub-olmayacağı məsələsinə aydınlıq gətirilıməyib.

Vüqar