Qızılquşun Afrikadan Skandinaviyaya uçuşu: 42 günə 10 000 kilometr - FOTO

Avropalı tədqiqatçılar GPS yerləşdirilmiş qızılquşun köç marşrutunu izləyiblər. 

Avtosfer.az xəbər verir ki, GPS siqnalı Cənubi Afrika Respublikasından hərəkətə başladığını göstərir. Quş özü üçün ideal marşrut seçib. O, Nil çayı boyunca uçaraq Sudan və Misirdən keçib. Aralıq dənizinin və Qara dənizin üzərindən keçməmək üçün marşrut olaraq Suriya, Livan və Türkiyəni seçib.  Çünki quş duzlu dəniz suyunu içməyin mümkünsüzlüyünü hiss edir. Avropada isə yol əsasən düzxətli olub. Gündə orta hesabla 230 km qət edən qızılquş 10 000 kilometr yolu 42 günə qət edərək Finlandiyaya çatıb.

Aralıq dənizini nəzərə almasaq bu gün Afrikanın cənubundan Skandinaviyaya uçan təyyarələrin marşrutu da qızılquşun uçuş yolundan ciddi şəkildə fərqlənmir.  Sadəcə olaraq, quşlar bu yolu min illərdir qət edir. Təyyarələr isə belə uzaq reyslərə ötən əsrin 80-ci illərində başlayıb.

Vüqar