Rusiyada sürücülük vəsiqələri ilə bağlı yeni tələblər qüvvəyə minir – BİZƏ TƏSİRİ 

Aprelin 1-dən etibarən Rusiyada daimi yaşayış hüququ olan şəxslər və vətəndaşlar xaricə alınmış sürücülük vəsiqələrindən istifadə edə bilməyəcəklər. 

Avtosfer.az xəbər verir ki, onlar vəsiqələrini imtahan verməklə Rusiya vəsiqəsinə dəyişməlidirlər. Əks halda 5-15 min rubl (100-310 AZN) cərimə olunacaqlar. Aprelin 1-dən həm də vəsiqələri imtahansız dəyişdirmə dövrü başa çatır.

Rusiya DİN-in məlumatına görə, son 1 ildə 400 min nəfər vəsiqəsini dəyişib. Risk qrupunda nə qədər adamın qaldığı məlum deyil. 

Şimal qonşumuzda çox sayda azərbaycanlının yaşadığılnı nəzərə alaraq deyə bilərik ki, vəsiqəsini vaxtında dəyişməyən azərbaycanlılar problemlə üzləşə bilərlər.
 

Lakin Rusiyaya avtomobillə müvəqqəti və ya tranzit gedən, Federasiyada daimi yaşamayan Azərbaycan Respublikası vətəndaşlarına bu qayda şamil edilmir.

Vüqar Yaşaroğlu