Saata sığan 16 silindrli mühərrik - “Bugatti” - VİDEO - FOTO

Bəlkə də təəccüblü gələcək, amma realdır. 16 silindrli mühərrikin kiçildilmiş surətini saata yerləşdirə bilən mühəndislər var. Avtosfer.az xəbər verir ki, ABŞ-ın “Jacob & Co” saat şirkəti 16 silindrli “Bugatti” mühərrikinin surətini hazırlayaraq saata yerləşdirib. Titan korpusa yerləşdirilmiş “mühərrik” işləyərkən porşenlərin, dirsəkli valın və klapanların hərəkəti imitasiya olunur. 
Qiymətə gəlincə, belə bir saat əldə etmək istəyən şəxs 300 000 dollardan keçməlidir. Amma avtomobilə 3 milyon dollar ödəyən niyə saata 300 000 verməsin? Varlığa nə darlıq!