“Saturn” planetinin halqaları YOXA ÇIXDI

Tədqiqatçılar Günəş sisteminin qaz nəhəngi - Saturn planetinin halqalarının yoxa çıxdığını açıqlayıb.

Avtosfer.az "Bizim.Media"ya istinadla xəbər verir ki, mart ayından bəri halqalar görünməz olub.

Qeyd edək ki, Saturn qaz tipli planetlərə aiddir və əsasən hidrogen və helium, metan, ammonyak və ağır metal qatqılarından təşkil olunub. Yer insanı onu ətrafında olan halqaları ilə müəyyənləşdirə bilir. Bunu ilk dəfə - 1610-cu ildə məşhur alim Qalileo Qaliley kəşf edib. Halqalar buz və toz birləşməsindən ibarətdir və bəzi fərziyyələrə görə onları formalaşdıran Saturnun təbii peyklərindən püskürən vulkanlardır.

Yeri gəlmişkən, bütün nəhəng planetlərin halqaları var. Günəş sistemində bunlardan dördü - Yupiter, Saturn, Uran və Neptundur. Lakin Saturnun halqaları ilə müqayisədə onlar demək olar ki, nəzərə çarpmır.

Saturnun halqaları kifayət qədər geniş olduğundan və bucaq altında Yerə dönə bildiyindən müşahidəçilər üçün çox gözəl mənzərədir. Normal vaxtlarda Saturnun halqaları kiçik teleskoplarla belə aydın görünür.

Onu da bildirək ki, ekvator müstəvisində yerləşən halqaların qalınlığı təxminən dörd kilometrdir. Bununla belə, çox genişdirlər, çünki on minlərlə kilometrə qədər uzanaraq müəyyən bir mövqeyi tutur və müşahidə üçün əlçatandırlar.

2025-ci ildə Saturnun halqalarının "yoxa çıxması" ilk dəfə 23 martda müşahidə olunub, ikinci belə hal isə noyabrın 26-a təsadüf edəcək. Bu hadisə Yer kürəsinin istənilən nöqtəsindən müşahidə oluna bilər.

Növbəti belə kosmik hadisə isə 2031-ci ilə müşahidə olunacaq.