Stres içində olan insan ətrafdakıları da "yoluxdura" bilər

Stresi aktiv və ya passiv şəkildə yaşayan insan başqalarını, xüsusən də onlara kömək etməyə çalışanları da bu vəziyyətə sala bilərlər.

Avtosfer.az xəbər verir ki, bu fikirləri TASS-a psixoterapevt və psixiatr, Rusiya Tibb və Texnologiya Elmləri Akademiyasının akademiki Aleksandr Tesler deyib.

"Təbii ki, stres özlüyündə yoluxucu adlandırıla bilməz. O keçici ola bilər, çünki bu vəziyyətdə olan insan ətrafdakıları, o cümlədən ailə üzvlərini və iş yoldaşlarını da stresə salır. Bu proses induksiya adlanır. O zaman diskomfort vəziyyətində olan şəxs ona kömək etməyə çalışanları aktiv və ya passiv şəkildə özünə cəlb edir", - Tesler bildirib.

Onun fikrincə, empatik insanlar stres "virusuna" ən çox həssas olanlardır.

Mütəxəssis onu da qeyd edib ki, stresə meyilli insanlar bu halı daha çox payızda yaşayırlar (Oxu.az ).