Telefonların səssiz zəhəri – elektromaqnit dalğaları sağlamlığa necə təsir edir?

Müasir dövrdə smartfonlar həyatımızın ayrılmaz hissəsinə çevrilib. Lakin ekspertlər xəbərdarlıq edir ki, telefonlardan yayılan elektromaqnit dalğaları insan sağlamlığı üçün gizli təhlükə ola bilər. Avtosfer.az "BAKU.WS"ə istinadən xəbər verir ki, Beynəlxalq Agentliklərin, o cümlədən Dünya Səhiyyə Təşkilatının apardığı araşdırmalara görə, mobil telefonların radiasiyası uzunmüddətli istifadədə baş ağrısı, yuxu pozğunluqları və diqqət çatışmazlığı kimi problemlərə yol aça bilər. Bəzi tədqiqatlar isə mobil telefon radiasiyasının beyin şişləri riskini artırdığı ehtimalını istisna etmir. Buna görə də, həkimlər xüsusilə uşaqların telefon istifadəsini məhdudlaşdırmağı tövsiyə edir. Ekspertlər həmçinin mobil telefonların danışıq zamanı qulaqdan müəyyən məsafədə tutulmasının və sərbəst dinləmə cihazlarından istifadə edilməsinin radiasiya təsirini azaltmağa kömək etdiyini bildirir. Yay fəslində isə telefonların günəş altında çox qalması cihazın istilik səviyyəsini artırır və radiasiya təsirini gücləndirə bilər.