Tərkibində qızıl var imiş - Azərbaycanda da hamıda var - FOTO

Çində əhali kütləvi şəkildə köhnə SİM kartları almağa başlayıb. Avtosfer.az xəbər verir ki, səbəb sosial şəbəkədə yayılmış videodur.
Videoda görünür ki, Quandun əyalətinin sakini minlərlə köhnə kartdan 192 qram xalis qızıl əldə etdiyini göstərir. Videonu çəkən şəxs peşəkar metal emalçısıdır. Bu həcmdə qızıl üçün 2 tondan çox SİM kart və köhnə mikrosxem istifadə edilib. Nəticə əldə etmək üçün xüsusi kimyəvi və fiziki üsullar tətbiq edilib.
Əslində bəzi avadanlıqlarda qiymətli metalların mövcudluğu sirr deyil.  Bir ədəd SİM kartda 0,4 milliqram qızıl olur. Korroziyadan mühafizə məqsədi ilə qızıl kartın üstünə nazik təbəqə şəklində çəkilir. Bunu isə nəinki ev şəraitində, heç peşəkar zərgər emalatxanasında da afinaj üsulu ilə ayırmaq mümkün deyil. Elektronika detallarından gümüşü ayırmağı isə maddi baxımdan sərfəli olmadığı üçün heç kim düşünmür.

Vüqar