Təyyarə istehsalçısının milyardlıq zərəri və sovetsayağı təbliğat

Rusiyanın YAK Elmi-İstehsalat Birliyi bu ilin ilk yarım ilini 4 milyard rubl zərərlə  (84 milyon AZN) başa vurub. 

Avtosfer.az xəbər verir ki, ötən ilin müvafiq dövründə ümumi zərər 443 milyon rubl təşkil edib. Daha ətraflı məlumat verilmir, çünki qanun bunu qadağan edir. 

YAK konserni “Boeing” və “Airbus” laynerlərini əvəzləyəcək MS-21 təyyarəsinin layihələndirilməsi və “Superjet-100” təyyarəsi üçün xarici detalların əvəzlənməsi ilə məşğuldur. Yeni model təyyarələrin ilk müştəriyə çatdırılması 2026-cı ilə planlaşdırılır. 
Bura qədəri Rusiya mediasının yazdığı standart xəbərdir. Bəs reallıq necədir?

Elə rus ekspertlərin özləri 2030-cu ilədək 1000 ədəd təyyarə planını qeyri-real hesab edirlər. Səbəb texnoloji asılılıqdır. Təyyarə istehsalına lazım olan dəzgahların cəmi 2 faizi Rusiyada istehsal edilə bilər. Qalan hissə Qərbdən alınmalıdır ki, bunu da Rusiyaya heç kim verməyəcək. Bunlarsız ya istehsal mümkün olmayacaq, ya hazır məhsulun maya dəyəri çox baha başa gələcək. 

Bir sözlə, kiselyovların, solovyovların, simonyanların Rusyanın texniki suverenliyi, elmi potensialı barədə ağzı köpüklənə-köpüklənə danışıdıqları boş təbliğatdan, manipulyasiyadan başqa bir şey deyil. Texniki deqradasiyaya rəğmən sovetsayağı təbliğat tam gücü ilə davam edir və təəssüf ki, Rusiyadan kənarda da yaşlı nəsli inandırmağa nail olur.

Vüqar Yaşaroğlu