Uçan otel layihəsi hazırlandı

Yəmənli biotexnoloq və elm kommunikatoru Haşim əl-Qali “Sky Cruise” adlandırdığı uçan otel oteli üçün layihə hazırlayıb.

"Unikal" xəbər verir ki, bu barədə “Daily Star” məlumat yayıb.

Otel nüvə enerjisi ilə fəaliyyət göstərəcək, bunun sayəsində daim havada ola biləcək. Qonaqlar ona adi təyyarələrdə çatacaqlar, bunun üçün uçan otelin öz aerodromu olacaq. Eyni zamanda, əl-Qali konsepsiyası çərçivəsində süni intellekt təyyarəni birbaşa idarə edəcək, pilotlar isə yalnız onun effektiv fəaliyyətinə nəzarət edəcəklər.

Ehtimal olunur ki, buludlara baxan lüks otelin göyərtəsində eyni vaxtda 5000-ə qədər qonaq yaşaya bilər.