Uzaqdan idarə edilən pultun 3 mənfi xüsusiyyəti

Yeni avtomobillərdə daha çox üstünlük verilən uzaqdan idarə edilən pultun rahatlığı olduğu kimi mənfi tərəfləri də var. Avtosfer.az bildirir ki, onun mənfilərindən biri öz-özünə işləməyə başlamasıdır. Sürücünün iştirakı olmadan avtomobilin qapılarının açılması və ya mühərrikin işə salınması halına tez-tez rast gəlinməsə də bunu yaşayanlar az deyil. Sistemin digər bir mənfi xüsusiyyəti isə oğruların məqsədlərini asanlaşdırmasıdır. Belə ki, oğrulardan biri avtomobilin yanında, digəri isə avtomobil sahibinə mümkün qədər yaxın dayanır və xüsusi bir cihazın köməyi ilə siqnalları ələ keçirir. Avtomobil sahibi onu uzaqdan işə saldıqda oğrular avtomobilin qapılarını asanlıqla aça bilir. 3-cü mənfi xüsusiyyət isə bu sistemə sahib avtomobillərin batareyasına çox güc düşdüyündən onun tez sıradan çıxmasıdır. 

Aysel