Yadplanetlilərin yerdəki 2 bazası: Sensasiyalı məlumatlar

Son illər uçan naməlum obyektlər haqqında məlumatları ifşa etmək və məlumat verənləri ABŞ Konqresi ilə əməkdaşlığa cəlb etməklə məşğul olan məşhur vəkil və fəal Denni Şihan sensasiyalı açıqlama verib.
Avtosfer.az lent.az-a istinadən bildirir ki, Reddit platformasında tez bir zamanda populyarlıq qazanan yeni müsahibəsi zamanı Şihan bildirib ki, Yer kürəsində iki yadplanetli bazası var. Onun sözlərinə görə, onlardan biri dağlarda, əlçatmaz səhra ərazilərində, digəri isə Sakit okeanda, Bahadan çox da uzaqda, Baha yarımadası ilə Qvadelupa adası arasındakı ərazidə su altındadır.
Şihan qeyd edib ki, sualtı bazaya gələn və çıxan nəqliyyat vasitələrini göstərən çoxlu video kadrlar var. Bu qeydlərdə cisimlərin okeana batırılaraq sualtı bazaya doğru getdiyi iddia edilir.
O, həmçinin vurğulayıb ki, bəzi ABŞ milli təhlükəsizlik rəsmiləri bu bazaların mövcudluğundan xəbərdardırlar və hətta pilotlarını ələ keçirmək üçün uçan naməlum obyektləri vurmağa cəhd edirlər. Şihan bu vəziyyətin təhlükələrindən narahatlığını ifadə edib. 2024-cü il "Qlobal diskurs günü 2024" çərçivəsində yayılan çıxışı zamanı Şihan bildirib ki, uçan naməlum obyekt fenomeni tamamilə realdır və təbiət hadisələrinin yanlış müəyyən edilməsi və ya gizli hökumət texnologiyası ilə bağlı deyil. O, həmçinin uçan naməlum obyektlərin başqa planetlərdən və ya başqa ölçülərdən ola biləcək canlıları daşıdığını və bu ziyarətlərin uzun müddətdir davam etdiyini iddia edir.